segunda-feira, 9 de maio de 2011

"Unha mina en Pico Vello", é o título do programa emitido por "El escarabajo verde" - en "La 2" de TVE - Video

O pasado Venres 18 de Febreiro de 2011, o programa, de "La2" da TVE, "El escarabajo verde", emitía un documentario, de 30 minutos, que estiveron rodando pola comarca do baixo Eume hai uns días. O documentario recolle as opinións dos alcaldes máis próximos á zona afectada pola proxectada explotación mineira e membros de varios dos colectivos opositores a que desapareza o espazo natural da Fraga d'O Pico Vello.

A continuación presentamos o documentario emitido:


Unha mina en Pico Vello - 1 de 2



Unha mina en Pico Vello - 2 de 2



Fonte: http://www.youtube.com/user/galeguia

Enlace co documentario orixinal:
http://www.rtve.es/mediateca/videos/20110218/escarabajo-verde---mina-pico-vello/1023963.shtml

A andalucita é un mineral pouco coñecido, pero hai certas cantidades na Galiza. Unha empresa mineira pretende explotar desde fai anos un xacemento de andalucita no municipio d'As Pontes, n'A Coruña. Aínda que os trámites avanzan na administración, a oposición sobre o terreo faise oír.

"El escarabajo verde" visita esta semana o Parque Natural das Fragas do Eume e a súa contorna. O motivo é coñecer se ese proxecto de mina de andalucita que pende a 50 metros dos límites do parque pode supor unha ameaza ambiental. Integrada por máis dunha decena de entidades ecoloxistas e veciñais, a Plataforma en defensa de Pico Vello -o lugar onde se instalaría a mina, insiste en que hai irregularidades no proxecto e na Declaración de Impacto Ambiental.

A Declaración de Impacto Ambiental do proxecto da mina, xa foi modificada ante as alegacións que recibiu con anterioridade. A máis importante era a inclusión de 40 hectáreas de terreos da mina no parque natural. Aínda así, xorde outra incógnita: como afectaría a mina á conca fluvial do Belelle, que nace en Pico Vello e que abastece de auga de boca a varios municipios augas abaixo.

No seu percorrido pola zona, "El escarabajo verde" descubrirá que non todos ven o proxecto cos mesmos ollos. Mentres que o municipio d'As Pontes, de clara vontade industrial, asumiríao polo desenvolvemento que achegaría ao pobo, o municipio veciño, A Capela, cunha aposta polos valores naturais e principal receptor da auga do Belelle, non quere nin oír falar diso. .

Un documental de Elisabeth Anglarill
Imaxe: Juan Baño
Son: Xavi Pedro
Montaxe: Enric Ferrés

"El escarabajo verde"
O programa semanal de documentais de medio ambiente da "La2" de TVE que dirixe Mario de La Mano, produce Amalia León e presenta Elisabeth Anglarill.

Estamos con tod@s vós cada Venres, ás 18:00, e cada domingo, ás 13:45, en "La2" de TVE.

Fonte: http://www.rtve.es/television/20110216/escarabajo-verde-mina-pico-vello/408238.shtml
______________________

quarta-feira, 17 de novembro de 2010

A ReVolta Ciclista - Loitas en Altatensión queren saber da loita de Pico Vello

O 7 de Xullo deste ano, 2010, andivo por acá a Bicicaravana en Defensa da Terra que participaban nunha protesta contra dunha instalción da Shell na Irlanda, no condado de Mayo. Esta xente veu coñecer tamén a problemática ambiental da Galiza, entre as que estaba o asunto da pretendida explotación dunha mina de andalucita na Fraga do Pico Vello.

A empresa Picobello Andalucita S.L. pretende escavar unha mina que provocará un dano irreparábel á Fraga do Pico Vello e ás Fragas do Eume.

Fan un pequeno documentario intercalando a paisaxe do lugar e unha mina a ceo aberto, eo principal cunha entrevista ao compañeiro Nês.



A ReVolta Ciclista - Loitas en Altatensión
Fonte: http://revueltaciclistaaltatension.blip.tv/

A ReVolta a Irlanda: bicicaravana en defensa da Terra
http://www.inventati.org/bicilab/
__________

sexta-feira, 20 de agosto de 2010

Xavier Brisset realiza un documentario curto sobre O Pico Vello, no trascurso da marcha do 15 de Maio de 2010

Trata-se dun video de pouco máis de 6 minutos, realizado no transcurso do Roteiro pola Fraga d'O Pico Vello do pasado 15 de Maio, onde participaron máis dun cento de persoas. O traballo, realizado por "8mares" -Xavier Brisset, amosa-nos uns detalles do espazo natural que a explotación mineira de Picobello Andalucita SL, de levar-se adiante, sen dúvida destruiría. Varios protagonista da marcha explican-nos, con claridade, o especial do espazo que se quere protexer e das nefastas consecuencias dunha explotación mineira no Pico Vello a poucos metros das Fragas do Eume.


Roteiro do Pico Vello | 8mares
Cargado por 8mares. - Videos web independentes.

Fonte: http://www.dailymotion.com/video/xdrxme_roteiro-do-pico-vello-8mares_creation

Realizado por:
Xavier Brisset Martín
____________________________

sábado, 22 de maio de 2010

Carrusel de diapositivos: Catro Fotos da Fraga d'O Pico Vello

[Clicar acima da imaxe para entrar no Carrusel de diapositivos en alta resolución]

Fonte: Galería de puentebello
_____________

quinta-feira, 20 de maio de 2010

Fotos da Charla d'A capela, do 13 de Maio de 2010



Visitar o enlace na Galería de bocagei ten interesantes comentarios.

A FRAGA DE PICO VELLO: un espazo a protexer on Flickr - Photo Sharing!
No lugar de Pico Vello (Goente - As Pontes), de grande biodiversidade e incalculable valor natural e ecolóxico, a empresa de capital anglo-sudafricano ... - www.flickr.com/photos/bocagei/4586276327/
_______________

terça-feira, 18 de maio de 2010

Video Libertario do Roteiro pola Fraga d'O Pico Vello, deste 15 de Maio de 2010


rubendeferrol — 17 de maio de 2010 — Vídeo realizado por Unión Libertaria do roteiro contra a mina de andalucita en Picovello organizado por varias entidades ecoloxistas o 15 de Maio de 2010.

+ info:

www.reganosademolizon.org
www.picovello.blogspot.com
_____________________

Galería Fotográfica do Roteiro deste 15 de Maio de 2010, pola Fraga d'O Pico Vello

Goente - As Pontes 15 de Maio de 2010

Xoán Porto amosa-nos unha excelente Galería Fotográfica do Roteiro deste Sábado 15 de Maio de 2010, realmente é unha reportaxen fotográfica que recolle o acto e o lugar en toda a súa inmensidade. Amosa-nos detalles de lecer, reivindicativos, formativos, paisaxísticos, ... Agasalla-nos unha mostra fotográfica do Museo Etnográfico d'A Capela. Son realmente 120 instantáneas con moita beleza e contido.

[Clicar acima da imaxe para entrar na Galería]

Galería de Diapositivos en alta resolución

Fonte: Galería de Xoán Porto

Feed

AtribuiçãoNão-comercial - Nenhum trabalho derivado Algúns direitos reservados
______________________

domingo, 16 de maio de 2010

Galería Fotográfica do Roteiro pola Fraga d'O Pico Vello, realizado o 15 de Maio de 2010


As fotos son todas de Anton Marcal

Enlaces relacionados:
___________________

Foto da Charla n'A capela sobre a Fraga d'O Pico Vello - 13 de Maio de 2010

[Clicar acima da imaxe para ampliar]

Foto tirada do Facebook "NON á mina de andalucita nas Fragas do Eume", postada por Serxio Paz Roca

Lenda:
"Casa da Cultura da Capela hoxe ás 20 horas na charla informativa sobre o que acontecería no mundo se se construíse a mina de andalucita a 50 metros das Fragas do Eume".

Catro comentarios:

Lucía Dopico
A charla estivo moi ben, pena de non poder asistir Pedro, o cal sempre é un pracer escoitar. A xente ten que saber o que se perde ca mina, deberíase de organizar unha charla tamén nas Pontes, para abrirlles a mente a uns cantos.
sexta às 01:14·

Carlos Lopez
Foi moi instructiva, e espero que se repita nos outros concellos implicados, coma Fene, que é de onde son eu, pero hai que facer o que faga falla para que non nos fagan o que fixeron con Reganosa na ría de Ferrol.
sexta às 01:47·

Carlos Lopez
A parte o impacto supera o ámbito das fragas, sería unha desgracia para o río Belelle eoutros entornos, puto PP
sexta às 01:53·

Ayla Elenayla
estiveron moi ben, Xabier Amigo e un crack! falou da afeccion aos habitats prioritarios (q hai na zona!!) e Roberto o de Drosero tb explicou moi ben como afectaria aos morcegos abrir unha mina a ceo aberto nunha zona de paso e de comunicacion entre distintas poboacions. NON A MINA!!
sexta às 10:49·

Enlace de Referencia:

O Xoves 13 de Maio unhas charlas na Casa da Cultura d'A Capela, baixo o título: “A Fraga de Pico Vello - Un espazo a protexer”
____________________

quarta-feira, 12 de maio de 2010

Audio da entrevista a Fernado Rodríguez Lamela en Radio Fusión -

Entrevista en Rádio Fusión a Fernado Rodríguez Lamela

Audio en formato mp3:

Almudena Marcos e Fernando Rodriguez Lamela, da SGHN ,falan da protesta contra a explotación de andalucita na zona.

O roteiro convocado para o vindeiro sábado terá carácter formativo, á vez que reivindicativo. Segundo explicou a Radiofusión Fernando Rodríguez Lamela, membro da Sociedade Galega de Historia Natural, o percorrido realizarase sobre pistas e sendeiros nos que "os participantes poderán coñecer a fraga de Pico Vello, os aspectos xeolóxicos do xacemento, as afeccións da entulleira sobre os ríos, a fauna e a flora da zona, así coma outros aspectos etnográficos". Ao remate, xa pola tarde, os participantes terán oportunidade de visitar o Museo Etnográfico da Capela.

Dende que se publicou no DOG, o pasado 11 de marzo, o Estudo de Impacto Ambiental do proxecto, as organizacións ecoloxistas que se opoñen á explotación do xacemento de andalucita nas Pontes non cesan no seu empeño de paralizalo. Primeiro denunciaron, perante a Fiscalía de Medio Ambiente, a aprobación do Estudo de Impacto Ambiental "por irregularidades no proceso de tramitación", para logo iniciar contactos cos distintos Concellos da bisbarra para recabar o apoio das Corporacións Locais. O obxectivo final é protexer a zona, conquerindo a declaración de Espazo Natural Protexido ou promovendo a súa inclusión no Parque Natural das Fragas do Eume.

Fonte: radiofusion.eu
______________________