[Vista panorámica d'As Pontes - Clicar acima da Foto para ampliar]Valentín González Formoso, Alcalde d'As Pontes, apoia o proxecto de explotación mineira a ceo aberto de Picobello Andalucita S.L que destruiría a Fraga d'O Pico Vello.
Algunhas pinceladas da actividade "política" de Valentín González Formoso.
Ademais de ser o grande promotor da instalación dunha planta celulosa n'As Pontes, así como de dar-se o caso do traslado da celulosa de Pontevedra, ofrecía o territorio do concello para albergar a citada industria. Iso, un amante da destrución do territorio. Mais o peor é que con este programa foi co que se presentou ás eleccións locais de 2007 e gañou con maioría absoluta.
O seu traballo para Reganosa:
../.. "Noutras alegacións ao Porto Exterior, vese a man do Grupo Tojeiro, porque reclaman que non se trasladasen ao mesmo os tráficos do complexo petroquímico. Na pagina 43461 do BOE de 13 de decembro de 2000, hai un resumo da alegación en representación de Reganosa, como primeiro documento público no que se le a súa decisión de situar a Planta de Gas dentro da Ría en Punta Promontoiro porque manifestou que o traslado dos actuais concesionarios non poderá acordarse de modo forzoso senón voluntario. Esta alegación non deixa ver unha posición pechada en canto a situar a planta de gas dentro da ría, porque aínda non consideraban conveniente descubrir o seu xogo e estaban a medio terminar as obras do recheo para os peiraos que logo ofrecerían para Reganosa, facendo a competencia desleal ao Porto Exterior. Tamén se poden ler en devandito BOE varias alegacións contrarias a que se trasladen ao Porto Exterior os tráficos nocivos ou perigosos que existen dentro da Ría. Preséntaas Forestal do Atlántico, varias empresas do Grupo Tojeiro e Valentín González Formoso, natural d'As Pontes (figura como pescador, o que é falso) e que traballaba para o Grupo Tojeiro. Valentín González Formoso tiña como función, dentro de devandito Grupo, a compra de terras e casas en Mehá (Mugardos) e cara ao papel de "home bo" para dar a "estocada final" aos paisanos, dicíndolles que Roberto Tojeiro desexaba chegar a un acordo e ofrecía ata a posibilidade de que un familiar ou un fillo entrase a traballar no complexo petroquímico. Nas eleccións municipais de 2003, Valentín González Formoso saíu elixido na lista do PSOE d'As Pontes, despois de que este partido, a nivel local, botase do mesmo aos que eran críticos ou non compartían os axiomas relacionados coas bondades do Grupo Tojeiro". ../..
Detalle do libro "Muros de silencio. Corrupción e ameaza na Ría de Ferrol" páxina 47 - Editado pola A.C. Fuco Buxán - www.fucobuxan.com - 2007 - Carmelo Teijeiro Menéndez, Enrique Barrera Beitía e Manuel Ángel Rodríguez Carballeira.
______________________ __________________
Nenhum comentário:
Postar um comentário